|| Om tat sat ||

Stotra text in Devanagari, Kannada, Gujarati, English , Telugu

||भद्राचल श्रीराम स्तोत्रम्॥

कौसल्यासुत कुशिकात्मजमख रक्षणदीक्षित राम |
मामुद्धर शरणागतरक्षक रविकुलदीपक राम || 1 ||

दशरथनन्दन दितिसुतखण्डन दीनजनावन राम |
पुरहरकार्मुक विदलनपण्डित पुरुषोत्तम रघुराम || 2 ||

खरदूषणमुख दितिसुतकानन दावानलनिभ राम |
शबरीगुहमुख भक्तवरार्चित पादाम्भोरुह राम || 3 ||

वालिप्रमथन वातात्मजमुख कपिवरसेवित राम |
वासवविधिमुख सुरवरसंस्तुत वारिजलोचन राम || 4 ||

दशकन्धरमुख दानवमर्दन रक्षितभुवन राम |
सीतानायक शीघ्रवरप्रद सर्वजगन्नुत राम || 5 ||

भर्मविभूषण भूषितविग्रह भाधीशानन राम |
भक्तभारती तीर्थसुसेवित भद्रगिरीश्वर राम || 6 ||

कौसल्यासुत कुशिकात्मजमख रक्षणदीक्षित राम |
मामुद्धर शरणागतरक्षक रविकुलदीपक राम || 1 ||

||इति भद्राचल श्रीराम स्तोत्रम् समाप्तं॥

|| Om tat sat ||